Është mbyllur në barazim 2-2 ndeshja mes Teutës dhe Tiranës, e vlefshme për javën e dytë të kampionatit shqiptar të futbollit.
Kanë qenë bardheblutë që kanë goditur të parët, duke kaluar në avantazh me Hasanin pas vetëm katër minutash lojë.
Më pas ka ardhur përmbysja e Teutës në harkun e dhjetë minutave. Durrsakët kanë barazuar në minutën e 10-të me Filin dhe më pas kanë shënuar të dytin në të 20-ën më Gjinollarin.
Goli i katërt dhe i fundit i takimi ka ardhur në minutën e 59-të të pjesës së dytë dhe është shënuar nga Najdovski, që ka fiksuar shifrat në 2-2.
Tirana mban vendin e tretë në renditje me katër pikë, ndërsa Teuta është në të gjashtin me vetëm një pikë dhe një ndeshje më pak.
