Gjatë konferencës së sotme për shtyp para ndeshjes ndaj Dortmund, trajneri i Paris Saint-Germain, Luis Enrique foli për individët: “Po përpiqem të realizoj një ide dhe ata që duhet ta çojnë përpara janë lojtarët. Ata duhet të marrin pjesë në këtë proces dhe kjo skuadër po përgjigjet. Në jetën reale nuk ka të bëjë vetëm me punën.

Ju duhet të bëni gjëra jashtë dhe unë përpiqem ta bëj këtë. Unë e dua sportin, çiklizmin, padelin, ne kemi një fushë këtu. Më pëlqen të shkoj në palestër. Kishim shumë kohë për të analizuar dhe përcjellë te lojtarët hapësirën e përmirësimit. Të gjithë duhet të relaksohemi pak dhe të mendojmë edhe për këtë gjysmëfinale.

Goncalo Ramos titullar? Siç mund ta imagjinoni, ne kemi analiza dhe njohuri të thella. Çdo sulmues ka karakteristika të veçanta dhe mund të jetë befasuese të thuhet pse ky lojtar shkon në stol. Kam besim të plotë te të gjithë lojtarët e mi. Çdokush mund të fillojë lojën.

Mbappe? Ne kemi një qëllim të përbashkët, prandaj ne gjithmonë përpiqemi ta marrim topin nga prapa dhe t’ua sjellim sulmuesve në mënyrën më të mirë të mundshme. Duke qenë skuadër, kërkojmë edhe nga sulmuesit që pak topa të arrijnë në mbrojtje. Ne jemi të gjithë një ekip dhe të gjithë i bien një instrumenti.

Futbollistët mund të jenë të shkëlqyer dhe duhet të ndihmojnë në mbrojtje. Mbrojtësit tanë duhet të na ndihmojnë të lëvizim topin përpara”.