Një nga lojtarët më magjikë brazilianë, që i ka mahnitur e lumturuar tifozët e futbollit të bukur, jo vetëm ata të skuadrave që ka përfaqësuar, feston sot 39-vjetorin e lindjes. Fjala është për Ronaldinho, kampion bote me “Selecao”, që ka veshur edhe fanellën e skuadrave si PSG, Barcelona dhe Milan.
Spanjollja “AS” ka përmbledhur në një video 10 veprime të tij në karrierë, të mbushura me “magji” të pastër. Veprime që nuk të shlyhen nga kujtesa e futbolldashësve, që është mirë për t’i parë gjithmonë e me nostalgji.