Dje pasdite i nisi aludimet në një lidhje telefonike me “Tuttomercato Web Radio”. Pastaj, në mbrëmje, akuzat patën shënjestër: “Nuk guxoj ta them këtë në televizion, por në një Instagram të drejtpërdrejtë mund të bëhet”. Massimo Brambati, një ish-futbollist nga Torino dhe Bari, nuk u kursye në “zbulimet” e tij gjatë një Instagrami “live” me gazetaren Giovanna Martini:

“Janë dy lojtarë, njëri nga Milano dhe tjetri i Lazio, të cilët kanë dalë pozitivë me “Coronavirus”. Te bardhekaltrit është Strakosha, për të cilin drejtuesit thonë se ka një dëmtim të këmbës, gjë që nuk është e vërtetë. Megjithatë, ai bëri tamponin dhe rezultoi pozitiv. Unë nuk e di për Ibrahimovic, por Kessie i Milanit është pozitiv. Meqenëse udhëtoi nga Afrika me Gervinho, gjithashtu e karantinua edhe ai”.

Deklarata tronditëse, që tregojnë se klubet italiane po i “maskojnë” rastet e futbollistëve të prekur nga Covid19 si të dëmtuar. Në fakt, intimiteti i kujto duhet të ruhet, sipas protokollit, përveç nëse personi i interesuar dëshiron ta zbulojë pozitivitetin e tij ndaj Covid19.

Si protokoll, klubet komunikojnë vetëm numrin e anëtarëve të tyre pozitivë, por jo identitetin e askujt. Për më tepër, me kampionatin akoma të ndalur, lindin disa dyshime në lidhje me qasjen e klubeve për të mos shpallur ndonjë lojtar pozitiv (për më tepër, Lazio ende nuk ka filluar trajnimin kolektiv).