Skënderbeu duket se ka gjetur trajnerin e ri dhe ai është Julian Ahmataj. Presidenti Ardian Takaj do t’i besojë ish-teknikut të Tiranës që pati një eksperiencë të shkurtër në krye të bardhebluve pas largimit të Ardian Memës.
Ish-trajneri i Luftëtarit dhe Kamzës do të nisë punën në Korçë. Ai ka një detyrë shumë të vështirë, pasi duhet të ndërtojë ekipin thuajse nga e para. Ahmataj nuk do të ketë lojtarët kryesorë si Koliçi, Dita, Bregu apo dhe Elezi.
Korçarët e arritën objektivin e tyre duke kapur zonën Europianen. Ish-kampionët e vendit presin përgjigje nga Gjykata Federale e Zvicrës për dënimin e tyre, por një përgjigje të tillë ende nuk e kanë marrë.