Edhe nëse LeBron James e di tashmë se ku do të luajë sezonin e ardhshëm në NBA, ai nuk e ka zbuluar ende. Shënuesi më i mirë në historinë e NBA-së, aktualisht një lojtar i lirë, foli publikisht për herë të parë pas disa javësh të enjten pasdite, megjithëse nuk e zbuloi ekipin e tij për vjeshtën e ardhshme.

“Do të jetë argëtuese kudo që të shkoj“, tha James. 4 herë kampioni i NBA-së, shtoi: “Nuk është marrë asnjë vendim,” tha ai. LeBron James e filloi karrierën e tij në Cleveland në vitin 2003, duke kaluar shtatë sezone me Cavaliers përpara se të transferohej në Miami për katër sezone, ku fitoi dy titujt e tij të parë.

Më pas ai u kthye në Cleveland për katër sezone të tjera, duke e lënë ekipin në vitin 2018 për të filluar një periudhë tetëvjeçare me Lakers. Cleveland dhe Miami besohet se janë përsëri në radarin e James ndërsa ai e peshon këtë vendim, si dhe disa ekipe të tjera, duke përfshirë Filadelfia, Minnesota dhe Golden State.

“Pres me padurim të shoh se çfarë do të sjellë e ardhmja ndërsa përfundoj udhëtimin tim,” tha James, që shtoi: “Është një vendim i madh jo vetëm për mua, por edhe për familjen time. Bëhet fjalë për fazën e fundit të karrierës sime dhe ku dua të kaloj vitet e fundit, ose vitin e fundit, ose dy vitet e fundit të karrierës sime në NBA”.

“Do të përpiqem të përshtatem me çdo ekip ku shkoj, por edhe t’u ofroj atyre të gjitha mjetet dhe të gjitha njohuritë që kam fituar gjatë 23 viteve të fundit. E njoh lojën. I njoh mekanizmat e basketbollit, çdo aspekt të saj“, tha ish-ylli i Lakers.