Mesfushori skocez Scott McTominay, në një intervistë për mediat, pranon se transferimi nga Manchester United te Napoli ishte vendimi më i mirë që kishte marrë. Pas një jete me “djajtë e kuq” ai vendosi të largohej nga futbolli anglez për të luajtur në Itali.

“Ishte një vendim i rëndësishëm për mua, familjen time dhe miqtë e mi“, tha McTominay. Më tej, skocezi shtoi: “Në raste të tilla, në jetën tënde thjesht duhet të thuash: A dua ta bëj këtë gjë? Absolutisht që po dhe shkoni për të realizuar atë dëshirë”.

“Tani nuk ka më kthim prapa. Unë kurrë nuk jam penduar në jetën time apo karrierën time dhe kështu do të vazhdoj deri edhe në të ardhmen. Dëshiroj që karriera ime të jetë e suksesshme dhe do të bëj çdo përpjekje për ta shtyrë veten të jem futbollisti më i mirë dhe njeriu më i mirë që mund të jem gjithashtu”, tha McTominay.

27-vjeçari skocez e nisi seoznin me Manchester United (3 ndeshje) dhe më pas u transferua te Napoli. Nën urdhërat e trajnerit Antonio Conte ai po bën një paraqitje shumë të mirë, me 3 gola në 10 ndeshje në total me napoletanët.