“Është një finale mes dy skuadrave më të mira të kampionatit, do të jetë e vështirë. Do të duhet një nivel të mirë, jemi të motivuar dhe të përgatitur”.
Kështu e ka prezantuar Luis Enrique, trajneri i PSG-së, ndeshjen e nesërme ndaj Monaco. Kushdo që fiton merr Superkupën e Francës, një kompeticion që do të zhvillohet në Katar, vend shumë i dashur për trajnerin spanjoll:
“Kam kujtime të jashtëzakonshme nga Katari dhe Kupa e Botës. Nuk luajta në atë me Spanjën, por ato janë ende kujtime të mira”.
– A ishte PSG më mirë se Monaco në ndeshjen e fundit?
“Ndeshja kundër Monaco ishte një ndeshje e shkëlqyer për tifozët. Ne ishim në kontroll që në fillim. Pavarësisht kësaj, Monaco e filloi mirë pjesën e dytë.
“Është normale që të ketë disa faza kundër një ekipi të tillë. Rezultati pasqyroi faktin që ne ishim më mirë, por është e vërtetë që ndeshja ishte e hapur. Unë pres një ndeshje të mirë nesër”.
– Çfarë pret nga merkato?
“Unë besoj se projekti i klubit nuk ndryshon. Ne duam nënshkrime të nivelit të lartë. Ne kemi një ide të qartë për projektin tonë të lojës. Ekziston edhe realiteti i merkatos. Nga ana jonë, ka pasur një ndryshim në mentalitet në lidhje me politikën në merkato”.
– Pse i keni grumbulluar të gjithë (përfshi Skriniar dhe Kolo Muani)?
“Ne erdhëm në Doha dhe u duk interesante që të gjithë të shkojmë së bashku për të filluar vitin. Është e veçantë, me një titull në lojë. Më pas na presin shumë ndeshje. Është emocionuese”.
