Drejtori sportiv i Barcelona-s, Deco, dëshiron të shtojë yllin e Liverpoolit, Luis Diaz në skuadrën e tij në merkaton e verës.

Sipas raporteve të fundit nga AS, ish-mesfushori sulmues portugez e ka bërë nënshkrimin e kolumbianit një prioritet në planet e Blaugranave për verën.

Barca njoftoi shkarkimin e Xavi më 24 maj, me ish-menaxherin e Bayern Munichut dhe Gjermanisë, Hansi Flick që pritet të marrë frenat.

Edhe me ndryshimin e trajnerit, fokusi i klubit mbetet i njëjtë në merkato – një mesfushor mbrojtës dhe një sulmues krahu.

Gjigantët katalanas janë lidhur me emra si Nico Williams i Athletic Bilbao dhe Dani Olmo i Leipzig, por besohet se kanë Diaz në krye të listës së dëshirave të tyre.

27-vjeçari ka shijuar një sezon solid te Liverpool, duke shënuar 13 gola dhe pesë asiste në 51 ndeshje. Në përgjithësi, që nga kalimi i tij nga Porto në janar 2022 për 50 milionë euro, ai ka shënuar 24 gola dhe 13 asiste në 98 ndeshje për Reds.

AS raporton se Deco tashmë është takuar me menaxherët e Diaz, me bordin që beson se shtimi i kolumbianit mund të krijojë një mentalitet fitues shumë të nevojshëm brenda skuadrës së Blaugranas.

Diaz ka një vlerë aktuale në merkato prej rreth 75 milionë euro  dhe një kontratë që zgjat deri në fund të sezonit 2026-27.

Këta faktorë mund ta bëjnë problematik për Barcelona-n që të negociojë një transferim për sulmuesin.

Barça ende duhet të ndajë rrugët me një mori lojtarësh gjatë verës për të balancuar financat e klubit dhe për të financuar transferimet e ardhshme.