Napoli kampion në Serie A pësoi të dielën humbjen e parë në kampionat, kur u mund 1-2 nga Milan. Fillimi ishte shumë i vështirë, me një gol të pësuar pas vetëm tre minutash, dhe aty filloi analiza e trajnerit Antonio Conte: “Është zhgënjyese të kesh pësuar një gol të hershëm. Si ekip, patjetër që mund të kishim bërë më mirë”.

“Zakonisht, kur pëson një gol, gjithmonë ka fusha që kanë nevojë për përmirësim. Megjithatë, më pëlqeu ekipi, luajtëm lojën tonë, duke i bërë presion shumë lart Milan. Duhet të punojmë dhe të përmirësohemi. Kohët e fundit kemi pësuar disa gola kur, në vend të kësaj, mbrojtja jonë ka qenë gjithmonë forca jonë. Por performanca ishte pozitive”, tha Conte.

“Të luash me këtë lloj personaliteti në San Siro kundër kuqezinjve nuk është e garantuar dhe kjo duhet të na japë një ndjesi të mirë si ekip. Kjo është humbja jonë e parë në Ligë dhe humbëm kundër Milan në San Siro, jo kundër ekipit të fundit. E dimë shumë mirë se duhet të bëjmë më mirë si ekip, duke përfshirë edhe më shumë fokus dhe përqendrim”, shtoi Conte.