Ansu Fati po përjeton një rilindje të vërtetë në Francë. Sulmuesi spanjoll, i huazuar nga Barcelona te Monaco pas rinovimit deri në vitin 2028, ka shpërthyer në Ligue 1 me fillim sezoni spektakolar. Me 5 gola në vetëm 3 ndeshje, ai e arrin këtë kuotë shënimi më shpejtë se gjithkush tjetër në kampionatin francez pas më shumë se 7 dekadash.

Në total, Fati ka realizuar 5 gola në 126 minuta lojë, duke thyer rekordin historik të Johan Audel (137 minuta, Valenciennes – 2007). Kjo do të thotë një mesatare e pabesueshme prej 1.67 golash për ndeshje, shenjë e qartë e formës së tij fantastike.

Së shpejti 23 vjeç më 31 tetor, Fati po tregon se lëndimet e së kaluarës janë lënë pas. Ai është gjithashtu autor i një goli në Champions League dhe aktualisht ndan kreun e renditjes së golashënuesve me argjentinasin Joaquín Panichelli (Strasbourg).

Pas viteve të vështira, Ansu Fati duket më i lirë, më i sigurt dhe më vendimtar se kurrë. Sinjal i fortë se “fenomeni” që magjepsi botën në vitin 2019 është gati të rikthehet në qendër të skenës europiane.