Barcelona duket se ka ndryshuar mendjen për Xavi-n dhe është vënë në kërkim të një zëvendësuesi për stolin.

Skuadra katalanase thuhet se ka vendosur të ndajë rrugët me të, vetëm disa javë pasi e bindën atë të qëndrojë edhe për një sezon tjetër.

Sipas “AS”, Barcelona tashmë ka një listë me tre emra. Rafa Marquez, Hansi Flick dhe Sergio Conceicao janë kandidatët kryesorë.

Ish-lojtari dhe fituesi i Champions League, Marquez, ishte i lidhur me Barçën në fillim të këtij viti dhe ka bërë një punë të mirë me Barcelona-n B. Klubi e sheh 45-vjeçarin si emrin ideal pasi ai e njeh klubin dhe situatën e tyre financiare.

Flick ishte gjithashtu në garë, por gjermani tani është një pretendent te Bayern Munich. Ish-trajneri gjerman ka mbetur pa punë që kur u shkarkua nga kombëtarja e Gjermanisë.

Conceicao ka bërë mirë te Porto dhe tani është në garë për stolin e Barcelona-s. Megjithatë, Milan dhe Marseille janë gjithashtu të interesuar për 49-vjeçarin.