Aventura e Ballkanit të Ilir Dajës në Europë është mbyllur me një humbje në Rumani, në fushën e Cluj. Kampionët e Kosovës, në fakt, janë mundur 1-0 dhe e kanë mbyllur Grupin G të Conference League në vendin e fundit.
Ndeshja është zhbllokuar pas vetëm 17 minutash lojë. Nana Boateng ka shtyrë topin në rrjetë në vijën fatale pas topi i ka shkuar me fat në këmbë në zonën e rreptësisë.
Në minutën e 33-të, vendasit kanë fituar një penallti dhe kanë pasur një mundësi të artë për të dyfishuar avantazhin. Te pika e bardhë është paraqitur Deac, i cili është ndalur nga portieri Frashëri.
Megjithatë, arbitri ka vendosur që penalltia të përsëritet për shkak të një shkelje të Frashërit. Pavarësisht nga kjo, portieri i Ballkanit ka bërë mrekullinë edhe herën e dytë.
DY PENALLTITË E PRITURA NGA FRASHËRI – VIDO
Rezultati ka mbetur i pandryshuar në pjesën e dytë, me Cluj që ka arritur ta mbrojë avantazhin prej një golit dhe ta mbyllë në vendin e dytë grupin.
Një grup që është fituar nga turqit e Sivasspor-it, që kanë barazuar 1-1 në transfertë kundër skuadrës së Slavias së Pragës, që e ka mbyllur grupin në vendin e tretë me 8 pikë.