Vedat Muriqi ka rezultuar pozitiv në testin e koronavirusit, por është asimptomatik. Kjo është ajo që mësojmë për kushtet shëndetësore të sulmuesit kosovar, që ditët e fundit zyrtarizoi transferimin te Lazio. Ky fakt u zbulua nga një gazetar turk, i cili, përmes një mesazhi të postuar në Twitter, uroi që ish-bomberi i Fenerbahçe të shërohej sa më shpejt.
Siyah Coraplilar shpjegoi se cila është situata përmes profilit të tij në rrjetet sociale: “Ne i urojmë shërim të shpejtë Muriqi, i cili është diagnostikuar me koronavirus. U shërofsh sa më shpejt Vedat!” Po si janë gjërat në të vërtetë? Ditët e fundit, një detaj është shfaqur, që e ka bërë trajnerin bardhekaltër, Simone Inzaghi, ta kthejë situatën përmbys. Nga 25 gushti, lojtari do të luftonte me një dëmtim të muskujve (një sforcim do ta mbante atë larg fushës dhe do ta detyronte të qëndronte prapa skenave përgatitjet parasezonale).
Kur mund të jetë përsëri në dispozicion? Kontrolle të reja priten në orët e ardhshme, kur Muriqi do t’iu nënshtrohet testeve të mëtejshme, që do të sqarojnë kohën e rikuperimit. Siç qëndrojnë gjërat, lojtari, gjithashtu, ka nevojë për një përgatitje të përshtatshme atletike, çka tregon se vështirë të bëhet gati para ndalesës së planifikuar për në tetor (kur luajnë kombëtaret).
Sulmuesi me origjinë kosovare ka mbërritur në kryeqytet të dielën e kaluar dhe, pasi kaloi ekzaminimet mjekësore, nënshkroi kontratën e re me Lazio (5 vite, deri më 2025), nuk është stërvitur me skuadrën. Presidenti Lotito e punësoi atë plotësisht me synimin për të pasur në skuadër një lojtar me profil të caktuar taktik (sulmues i parë, “pykë”). Sa kushtoi? Shifra prej 18 milionë euro, plus bonuse, ndërsa vetë lojtari do të marrë një pagë neto prej 2.2 milionë euro në sezon.
