Sezoni i rregullt në basketboll i Euroleague po shkon drejt fundit, teksa janë luajtur takimet e raundit të 32-të. Fenerbahce ka marrë kreun e renditjes pas fitores 82-77 ndaj Baskonia Gasteiz, duke siguruar edhe kualifikimin në play off.
Më tej është kualifikuar edhe Olympiacos, që u mund në Athinë 80-77 nga Monaco. Në zonën play off janë edhe Panathinaikos e Monaco, me nga 20 fitore secila. Grekët u mundën 101-98 në fushën e tyre nga Paris Basketboll, duke shtyrë kualifikimin.
Ditë e mirë për spanjollët, pasi Real Madrid arriti një fitore të rëndësishme 78-72 në fushën e Crvena Zvezda. Jashtë fushe fiton edhe Barcelona, që mundi 98-88 Armani Milano. Të dyja skuadrat spanjolle janë në zonën play out (vendet 7-8).
Të kualifikuara direkt për në fazën play off, deri në këto momente, janë edhe Bayern Munich (vendi 5) e Anadolu Efes (vendi 6). Gjashtë vendet e para shkojnë direkt në play off, ndërsa vendet 7-10 luajnë në play out.
Euroleague-Raundi i 32-të
Villeurbanne – Zalgiris Kaunas, 88-79
Olympiacos – Monaco, 77-80
Bayern Munich – Partizan Beograd, 89-74
Armani Milano – Barcelona, 88-98
Anadolu Efes – Maccabi Tel Aviv, 90-88
Fenerbahce – Baskonia Gasteiz, 82-77
Crvena Zvezda – Real Madrid, 72-78
Alba Berlin – Virtus Bologna, 64-108
Panathinaikos – Paris Basketball, 98-101
