Legjenda e Arsenal-it, Thierry Henry, ka emëruar Bukayo Saka si yllin e tij të preferuar të Topçinjve për momentin. Ai shprehu respektin e tij për anglezin.

Saka ka qenë një lojtar kyç për skuadrën e Mikel Arteta-s këtë sezon. Ai ka shënuar 20 gola dhe ka dhënë 14 asiste në 47 ndeshje të luajtura në të gjitha kompeticionet këtë sezon.

Henry mendon se lojtarët si Reisson Nelson dhe të tjerët u lavdëruan më shumë si të rinj. Megjithatë, Saka është rritur duke u bërë një superyll i ekipit të parë dhe tregon cilësinë e tij rregullisht. Henri tha për Metro:

“Në atë kohë të gjithë flisnin për lojtarë të tjerë të rinj si Reiss Nelson. Dhe për Bukayo Saka thuhej thjesht… po, ai është i mirë.

“Kjo është arsyeja pse kam respekt të çmendur për Bukayo dhe pse ai është lojtari im i preferuar”.

Saka, që nga debutimi i tij me ekipin e parë në vitin 2019, ka bërë 226 paraqitje për Arsenalin, duke shënuar 58 gola dhe duke dhënë 53 asiste.

Saka ka shënuar 16 gola në Premier League këtë sezon dhe është bërë lojtari i parë anglez që nga Ian Wright që shënon 15 ose më shumë gola në kampionat për klubin në një sezon të vetëm.