Do të luhen sot në orën 21:00 ndeshjet e para gjysmëfinale të Conference League mes Leicester-Roma dhe Feyenoord-Marseille, kompeticioni më i ri UEFA-s që do ta ketë finalen në Air Albania Stadium.
Verdhekuqtë duan të harrojnë sa më shpejt humbjen e pësuar kundër Inter-it në kampionat që u ka shuar ëndrrën Champions, ndërsa Dhelprat ndjekin kualifikimin në edicionin e ardhshëm të Europa League.
Rikthehet Vardy për skuadrën e Brendan Rodgers. Shumë ndryshime për formacionin anglez në krahasim me ndeshjen e kampionatit të barazuar 0-0 me Aston Villa-s.
Jose Mourinho, nga ana tjetër, ka ndryshuar dy elemente në krahasim me sfidën e fundit të kampionatit: Zaniolo kthehet në rolin e fantazistit, ndërsa Cristante do të marrë vendin e Oliveira-s.
Formacionet zyrtare – Leicester (4-1-4-1): Schmeichel; Pereira, Fofana, Evans, Castagne; Tielemans; Albrighton, Maddison, Dewsbury-Hall, Lookman; Vardy. Roma (3-4-2-1): Patricio; Mancini, Smalling, Ibanes; Karsdorp, Cristante, Mkhitaryan, Zalewski; Zaniolo, Pellegrini; Abraham.
Janë zyrtarizuar edhe formacionet zyrtare të gjysmëfinales tjetër që do të zhvillohet në Holandës mes Feyenoord dhe Marseille. Ja zgjedhjet e Slot dhe Sampaoli-t.
FEYENOORD (4-3-3): Marciano; Geertruida, Trauner, Senesi, Malacia; Til, Aursnes, Kökçü; Nelson, Dessers, Sinisterra
MARSEILLE (4-3-3): Mandanda; Rongier, Saliba, Caleta-Car, Luan Peres; Guendouzi, Kamara, Gerson; Dieng, Payet, Bakambu.
