Janë luajtur ndeshjet e javës së 19-të të Kampionatit Kombëtar në Basketboll për femra. Tirana e Flamurtari vijojnë të udhëheqin renditjen me pikë të barabarta, duke fituar edhe në ndeshjet e radhës.
Bardheblutë e trajneres Alibegaj fituan 59-46 ndaj Vllaznisë në “Fahrie Hoti”. Ndeshje pa shumë nivel, por e komanduar nga Tirana, ku u dallua Marina Bojka, që realizoi 22 pikë.
Pa problem fiton Flamurtari, që mundi 77-50 Studentin në Vlorë. Ndeshje që nisi më mirë për kryeqytetaset, por shpejt vlonjatet morën frenat e lojës në dorë. Rreshpja me 18 pikë ishtë shënuesja më e mirë.
Ritmin e dyshes së kreut ndjek edhe Partizani, që mundi më vështirësi 88-84 Teutën në “Asllan Rusi”. Të dyja ekipet dueluan deri në fund, por kryeqytetaset u treguan më kujdesshme. Mgbeiki me 20 pikë e Lalaj me 19 u dalluan për Partizanin., ndërsa 42 pikët e Bryant për durrsaket mbetën për statistikë.
Kategoria e Parë-Femra, java e 19-të
Flamurtari – Studenti, 77-50
Partizani – Teuta, 88-84
Tirana – Vllaznia, 59-46
Elbasani (pushim)
Renditja: Tirana 31 pikë, Flamurtari 31 pikë, Partizani 29 pikë, Teuta 23 pikë, Vllaznia 22 pikë, Studenti 19 pikë, Elbasani 16 pikë.
