Massimiliano Allegri, me një deklaratë të lëshuar nga avokati i tij, Paolo Rodella, për ANSA, “mohon plotësisht” rikonstruksionin e ngjarjeve të ndodhura në tunelin Olimpico me drejtorin e Tuttosport, Guido Vaciago dhe saktëson se ishte thjesht “një sherr verbal i nxehtë me drejtorin, për shkak të eksitimit të momentit, gjatë së cilës të dy kanë fyer njëri-tjetrin me zë të lartë”.
Ky është teksti i plotë i deklaratës. “Duke iu referuar deklaratave – të raportuara në disa organe të shtypit – nga drejtori i TuttoSport Guido Vaciago, sipas të cilave Massimiliano Allegri, në fund të finales së Kupës së Italisë Atalanta-Juventus mbrëmjen e djeshme 15 maj 2024, u soll ndaj tij shumë ofendues si dhe duke e kërcënuar, madje edhe duke e shtyrë dhe tërhequr, klienti im e mohon plotësisht këtë rindërtim të fakteve dhe synon të tregojë se ka pasur thjesht një sherr të ashpër verbal me drejtorin, për shkak të eksitimit të momentit, gjatë të cilit të dy kanë fyer secilin thesjt me zë”.
“Asnjë shtytje, asnjë tërheqje dhe, aq më pak, asnjë kërcënim për drejtorin – vazhdon shënimi – Çdo rindërtim dhe/ose përshkrim i ndryshëm i fakteve është i rremë dhe vlerësohet, thjesht dhe thjesht, për qëllime të fshehura keqazi, të çuditshme dhe të pabaza. Ky njoftim ishte i nevojshem për hir të së vërtetës”.
Sakaq, vjen nje dore e rëndë nga gjyqtari sportiv pas finales së Kupës së Italisë që u zhvillua mbrëmë. Trajneri i Juventusit, Massimiliano Allegri është skualifikuar për dy ndeshje ne Kupe, të cilave duhet t’u shtohet një gjobë prej 5 mijë eurosh.
