Më 4 dhjetor do të hidhet shorti i Botërorit 2026, turneu më i madh në histori me 48 skuadra dhe i planifikuar verën e ardhshme në Meksikë, SHBA e Kanada. Italia shpreson të jetë pjesë, por do të luajë “play off”-et në mars, tre muaj para Kupës së Botës, në përpjekje për të lënë pas dy mungesat e fundit.
Shorti do të përfshijë 42 kombëtaret e kualifikuara tashmë, ndërsa 8 vendet e fundit do të përcaktohen më 2026. Pavarësisht mungesës së plotësimit, grupet mund të përgatiten, pasi sistemimi do të bëhet sipas fashave dhe rregullit të përplasjes së kontinenteve.
Skuadrat e kualifikuara deri tani vijnë nga Afrika (9), Azia (8), Europa (5), Amerika e Jugut (6), Oqeania (1) dhe vendet pritëse: Meksika, Kanadaja dhe SHBA. Tri pritëset kanë pozicione fikse në grupet A, B dhe D, do të luajnë në ditët e para të turneut.
48 ekipet do të ndahen në 4 fasha me nga 12 skuadra. Çdo grup do të ketë një ekip nga secila fashë. Ekipet e të njëjtit kontinent nuk mund të përballen, përveç Europës që mund të ketë deri në dy.
SKUADRAT E KUALIFIKUARA NË BOTËRORIN 2026:
AFRIKA: Algjeri, Kepi i Gjelbër, Bregu i Fildishtë, Egjipt, Ganë, Marok, Senegal, Afrika e Jugut, Tunizi
AZIA: Arabia Saudite, Australi, Koreja e Jugut, Japoni, Jordani, Iran, Katar, Uzbekistan
AMERIKA QENDRORE DHE E VERIUT: Kanada (vend pritës), Meksikë (vend pritës), SHBA (vend pritës)
EUROPA: Kroaci, Francë, Angli, Norvegji, Portugali
OQEANIA: Zelanda e Re
AMERIKA E JUGUT: Argjentinë, Brazil, Kolumbi, Ekuador, Paraguaj, Uruguaj
