Një pjesë e tifozëve është tallur me Arsenalin pasi u shfaq një video e klubit duke bërë prova për një prezantim të mundshëm të trofeut të Premier League në Emirates Stadium.
Topçinjtë janë në garë për titullin me City-n, një garë që do të vendoset sot në javën e fundit të kampionatit anglez. Citizens do të presin në shtëpi West Ham-in, ndërsa Arsenal-i Everton-in.
Pavarësisht se Manchester City ka një avantazh, londinezët mund ta fitojnë titullin nëse mposht Everton-in dhe West Ham ndalon City-n.
Metro UK raporton se duke pasur parasysh këtë mundësi, Arsenalit i është dashur të përgatitet për një rast të tillë dhe është filmuar duke provuar një prezantim të trofeut në Emirates.
Videoja, e cila tani po bën xhiron e rrjeteve sociale, ka ngjallur reagime të ndryshme, me një pjesë të tifozëve që janë tallur me Arsenal-in.
Preparations for Arsenal’s potential Premier League title victory if they win tomorrow and City lose/draw their game against West Ham… 👀🏆pic.twitter.com/fPVRWZXSG5
— CentreGoals. (@centregoals) May 18, 2024
Më poshtë janë disa nga komentet e bëra në rrjetet sociale:
“Po sikur të mos fitojnë? Përgatitje e kotë”.
“Do të përfundojë me lot”.
“Humbje kohe. City fiton”.
“Duhet të heqin dorë”.
“Është humbje burimesh sepse ata nuk do ta ngrenë trofeun”.
