Lojtari i ndeshjes ndërmjet Teutës dhe Skënderbeut u përzgjodh Nazmi Gripshi. Ai realizoi golin e barazimit për Skënderbeun në minutën e 92'. Ky i fundit i shënoi ish-ekipit të tij, pasi është rritur te Teuta dhe natyrshëm nuk festoi.
Goli – "E mendova se do të shënoja. I lumtur jam që shënova, por jo se i shënova ish-ekipit tim".
Barazimi – "Kur mbaroi pjesa e parë, trajneri na tha se nuk po bënim lojë të keqe dhe menduam që në pjesën e dytë të ndryshonim rezultatin".
E ardhmja – "Kur erdha nuk kalova një periudhë të mirë. Nuk po luaja, ndërsa tani po marr minuta. Sa të jem këtu do bëj më të mirën, ndërsa më pas nuk e di. Të gjithë presin më shumë nga unë, por çdo ndeshje do të jap akoma më shumë se tani".