Laçi ka luajtur sot miqësoren e parë për vitin e ri, duke u ndeshur me Vllazninë në Kamzë. Një derbi "memec", sepse përfundoi 0-0, në një sfidë ku të dyja palët bënë shumë eksperimente.
Laçi hodhi në fushë afrimet e fundit, portierin vlonjat Sali, mbrojtësin Ceka dhe të riun e ardhur nga Kroacia, Çokaj, të cilët e veshën për herë të parë fanellën kurbinase.
Vllaznia goditi traversën me sulmuesin Pusi në pjesën e dytë, ndërsa rastet nuk munguan në të dy krahët, por është e qartë që sidomos te Laçi po ndihet shumë mungesa e një sulmuesi me peshë.
LAÇI-VLLAZNIA 0-0
Laçi: Sali, Shtubina, Mersinaj, Pjeshka, Ceka, Lushkja, Çokaj, Jonuzi, Bushi, Xhixha, Berisha. Trajner: Besnik Prenga
Vllaznia: Sherri, Gurisha, Zeqaj, Malota, Gocaj, Krymi, Tafili, Lika, Hajdari, Zogaj, Zhunior. Trajner: Hasan Lika