Sezoni vijon të jetë mjaft i mirë për skuadrën e Chelsea, që aktualisht ndan vendin e dytë në renditjen e Premier League bashkë me Arsenal. Fitorja 3-0 ndaj një rivali të fortë për titull si Aston Villa tregon për momentin e mirë që po kalojnë londinezët.

“Performanca ishte shumë e mirë. Një paraqitje e nivelit të lartë në lojën me dhe pa top. Ndaj, jam shumë i kënaqur me tre pikët”, u shpreh trajneri i Chelsea, Enzo Maresca, që sheh skuadrën e tij të rivalizojë për një vend në Champions League.

Duke folur për Enzo Fernandez dhe Nicolas Jackson, që shënuan sërish, trajneri italian shtoi: “Ata janë lojtarë ofensivë, duhet të jenë në zonë kur ne sulmojmë. Ata kanë shënuar në dy ndeshjet e fundit dhe ne duhet të vazhdojmë në këtë mënyrë”.

Një ndeshje ku Chelsea nuk pësoi gol, kjo edhe për meritë të portierit Robert Sanchez. “Nuk kemi dyshime edhe pse ka më shumë zhurma të jashtme për të. Jemi të lumtur sepse po na ndihmon duke ruajtur portën dhe duke ndihmuar në ndërtim”, tha Maresca.

E vetmja notë negative është dëmtimi i mbrojtësit Ëesley Fofana: “Është një problem muskulor, ndaj të shohim ditët në vijim. Për momentin nuk e kam idenë se sa kohë mund të qëndrojë jashtë fushave”.