Sulmuesi i Arsenal, Bukayo Saka, është lider i padiskutueshëm i këtij ekipi. Këtë gjë e konfirmoi edhe në mesjavë, me dy gola e një asist në fitoren 3-0 ndaj Monaco në Champions League.
“Ai është i jashtëzakonshëm. Unë mendoj se përfshirja e tij në kaq shumë gola tregon për aftësitë e tij. Është shumë modest, një djalë i mrekullueshëm për të pasur në ekip dhe një talent i jashtëzakonshëm”, tha Mikel Arteta.
Më tej, trajneri i Arsenal shtoi: “Ai është një person i veçantë. Në rolin e tij, lidershipi i tij po rritet. Është i mrekullueshëm me të gjithë në ekip dhe staf. Dhe, kur është në fushë, ai bën diferencën për ne”.
