Trajneri i Vllaznisë, Mirsad Jonuz, foli pas fitores kundër Flamurtarit me rezultatin 1-3. Ai u shfaq mjaft i kënaqur pas fitores me vlonjatët.
Ndeshja – “Ishte një ndeshje e rëndësishme pas humbjes me Partizanin. Kjo ndeshje ishte thuajse e barabartë dhe kishte shumë presion psikologjik. Flamurtari u shfaq shumë mirë sot dhe kanë futbollistë të mirë, por pas kartonit të kuq fola në dhomat e zhveshjes se si do të luanim në pjesën e dytë. Zbatuam detyrat”.
Sulmi – formacioni – “E rëndësishme të fusnim futbollistët me freski fizike. Luajtëm para 3 ditësh me Partizanin, sot me Flamurtarin dhe më pas me Laçin pas 3 ditësh. Kjo është arsyeja se pse futa futbollistët e freskët. Një fitore shumë e rëndësishme, pasi tani kemi 3 pikë. Sot jam shumë i lumtur dhe për Da Silvën që shënoi gol. E rëndësishme të merrnim pikët”.
Objektivat – “Shikojmë renditjen dhe me një fitore apo me një humbje ndryshon gjithçka. Ne duhet të vazhdojmë të punojmë dhe jam shumë i lumtur që fituam. Pas ndeshjeve shoh çdo gjë në skuadër dhe kualitetin. Një situatë që ne duhet të marrim 6-7 pikë të tjera”.
Drejtuesit – “Kemi administratorin Suad Lici dhe drejtorin sportiv Engin Firat. Kam komunikim të mirë, por unë jam komandanti në skuadër askush tjetër. Do të punoj me lojtarët e mirë dhe besoj te lojtarët e mirë”.